– Erteńgi oıynǵa saqadaı saı turmyz. Jattyǵýlardyń bárin jospar boıynsha oryndadyq. «Vılrreal» - shabýylǵa kóńil bóletin Eýropadaǵy myqty komandalardyń biri. Oıyndary negizinen qysqa ári jyldam pas arqyly órbıdi.
– Qazaqstandaǵy birqatar jýrnalıster, sarapshylar «Astananyń» Eýropa lıgasynda óner kórsetkenin qup kóredi...
– Árıne, kim de bolsyn deńgeıi joǵary týrnırge qatysqandy qalaıdy. Biraq biz Eýropa lıgasynyń toptyq kezeńine túsken bolsaq, demek deńgeıimiz osyǵan saı degendi bildiredi. «Astana» jyl saıyn kúsheıip keledi, sáıkesinshe, joǵary nátıjelerge qol jetkizýdi kózdeımiz. Erteńgi oıynda qajetti nátıjege qol jetkizý úshin barymyzdy salatyn bolamyz.
– Sizdiń oıyńyzsha, «Vılıarrealdan» qandaı qaýip kútýge bolady? Al óz kezeginde «Astana» qandaı fýtbol kórsetpek?
– «Vılıarreal» óz alańynda oınaǵandyqtan, shabýylǵa basa mán beredi dep oılaımyn. Al biz jumylǵan judyryqtaı bolýymyz kerek. Bapkerimizdiń nusqaýyn tolyǵymen oryndap, qajetti nátıjege jetýge tyrysamyz.
– Ispanııalyqtardyń sapynan qaı oıynshy sizge kóbirek qıyndyq týdyrady dep oılaısyz? Qaı fýtbolshynyń oıynyn erekshe atap óter edińiz?
– О́z basym naqty myna oıynshy myqty dep ataǵandy jón kórmeımin. Biraq «Vılıarrealdyń» ońaı qarsylas emes ekenin jaqsy bilemin. Qandaı jaǵdaı bolmasyn match biz úshin jaqsy aıaqtalady dep úmittenemin.
– Tórt jyl buryn «Astana» «Vılıarrealǵa» qarsy oınaǵan bolatyn. Biz elordalyqtardyń osy ýaqyt aralyǵynda damyp jatqanyn baıqap otyrmyz. Al sizdiń pikirińiz qandaı?
– Tórt jyl buryn «Astanada» oınamaǵan edim. Sondyqtan ol kezeńdegi oıyndarǵa pikir bildirýim qıyndaý. Biraq «Astananyń» jyl saıyn damyp jatqanyna senimdimin.
Aıan ÁBDÝÁLI,
«Egemen Qazaqstan»
